Svineri, omgangs og farsdag.

Då har vi mest truleg fått svineriet i hus. Håkon kom heim frå barnehagen torsdag med høg feber, kasta opp eit par gongar i løpet av natta og klaga over vondt i magen og beina. Fredag ettermiddag var vi til doktor og der vart han testa for svineinfluensa. Vi får ikkje svar før i neste veke, men doktoren var ganske så sikker på at det var svineriet.
Marthe er vaksinert, men det gikk berre tre dagar frå ho vart vaksinert til Håkon vart sjuk, så heilt immun er ho ikkje. Vi kryssar fingrane for at ho sleppe unna denne gongen.
Pappa og mamma har hatt omgangssjuke siste døgnet, så farsdagsfeiringa vart minimal. Pakkar på senga i dag tidleg som vart åpna mellom slaga. Vi har derfor heller ingen bilete frå årets farsdag av omsyn til dei involverte;) Vi får heller ha dobbelt så mykje bilete neste farsdag!

Håkon er på bedringens vei, men må halde seg heime heile neste veke. Det kan verte ei utfordring for både store og små, han taklar jo knapt å vere inne ein heil dag. Besøk kan i heller ikkje ta i mot, så ein lyt vel spe på med nye puslespel og anna i løpet av veka for variasjonen sin del.